Ռոումինգ հետվճարային բաժանորդների համար

Գտնվելով ռոումինգում` հետվճարային բաժանորդները կարող են.
  • Կատարել և ստանալ զանգեր, ինչպես նաև ուղարկել և ստանալ SMS-ներ ՎիվաՍել-ՄՏՍ-ի բոլոր ռոումինգ գործընկերների ցանցերում:
  • Օգտվել ինտերնետից, ինչպես նաև ուղարկել և ստանալ MMS հաղորդագրություններ այն ցանցերում, որտեղ ՎիվաՍել-ՄՏՍ-ն ունի տվյալների փոխանցման ռոումինգի պայմանագրեր:
Ռոումինգի ակտիվացումն անվճար է: Ակտիվացնելու համար անհրաժեշտ է այցելել ՎիվաՍել-ՄՏՍ-ի սպասարկման կենտրոններից մեկը, ներկայացնել անձնագիր և մուծել երաշխիքային կանխավճար, որը չի օգտագործվի ամսական հաշիվները մարելու համար: Երաշխիքային կանխավճարը կազմում է 15000 դրամ` 50000 դրամ և ավելի ընթացիկ հաշվի սահմանաչափ ունեցող բաժանորդների համար, և 35000 դրամ` 50000 դրամից ցածր սահմանաչափի դեպքում: Ցանկացած պահի կարելի է ապաակտիվացնել ռոումինգն ու հետ ստանալ երաշխիքային կանխավճարը` այցելելով սպասարկման կենտրոն:

Ինտերնետ ռոումինգի ապաակտիվացում

 
«Ինտերնետ ռոումինգի ապաակտիվացում» ծառայությունը հնարավորություն է ընձեռում ռոումինգում գտնվելիս վերահսկելու հաղորդակցման, հատկապես՝ ինտերնետի չնախատեսված օգտագործմամբ պայմանավորված ծախսերը, որոնք կարող են առաջանալ, օրինակ, երբ սմարթֆոնն ավտոմատ թարմացումներ է կատարում:

 
Այս ծառայությունն ակտիվացնելով՝ Դուք անջատում եք ինտերնետ ռոումինգը և շարունակում օգտվել ռոումինգի ձայնային և SMS ծառայություններից:

 
Ծառայության ակտիվացման համար ուղարկեք *115*1# hրահանգը: Ապաակտիվացնելու համար՝ *115*0# հրահանգը: